Стивен Кинг

Әлем әдебиеті тарихындағы ең бай жазушы 

Стивен Кинг өмірінен кейбір қызықты деректер:

1. Кітаптары 350 миллионнан астам тиражбен сатылған.
2. Шығармалары 100-ден астам фильмге арқау болған.
3. Кингтің көптеген шығармасында оқиға Мэн штатында өтеді, жазушы оны «Америкадағы ең жұмбақ штат» деп атайды.
4. Өзінің ең үздік туындылары – «Сол» және «Лиззидің оқиғасы» романдары деп санайды.
5. Ең бай суретші Пабло Пикассо болғаны сияқты, Стивен Кинг – әлем әдебиеті тарихындағы ең бай жазушы.
6. Жазушы күн сайын жазуға тырысады. Өзіне орнатқан қағида бойынша, кем дегенде 2000 сөз жазады.
7. Өз туындысының желісімен түсірілген фильмдерге ауық-ауық түсіп тұрады.
8. Кингтің айтуынша, жазушы боламын деген адам күнінен 4-6 сағатын арнауы керек.
9. Ырымшыл болмаса да, Стивен Кинг 13 санынан бойын аулақ ұстайды. Мысалы, романның 13-бетіне келгенде тоқтап қалмай, «қауіпсіз» бетке дейін жаза беруге тырысады.

Автордың «Жасыл миль», «Сол», «Төрт маусым» туындылары баспамыздан қазақ тіліне аударылып, оқырманға ұсынылды.