Астана. Сәулеттік жолсілтеме

Сәулет өнерін «тасқа тұнған музыка» деп тегін атамаса керек. Бұл жағынан Астана — әлемдегі ең жас астаналардың ғажайып симфониясы іспетті, оның келбеті өзіне тән балаңдық пен тәуелсіздіктің символындай. Ол кейде жастық жалын мен балалық аңғалдықты аңғартса да, әруақытта шынайы және шабыттандырады. Астана сәулеткерлері қандай идеяларды іске асырды? Жас Астана үшін бастапқы «шабыт бастауы» не болды, ашық қиялға серпін беруші не? Қаланың XXI ғасырдағы даму тенденциясы қандай? Сәулет саласының сарапшылары жазған Астана туралы кітапты оқысаңыздар, Қазақстанның елордасына басқаша көзбен қарайтын боласыздар.