Баянауыл

Қасиеті қазақ даласындағы таңғажайып табиғатымен дараланатын өлкенің бірі, бірі ғана емес-ау, бірегей - Баян-ауыл. «Арқаның қас маңдайы» атанған алтын аймақтың тарих тереңінен тамыр тартатын шежіре-сыры да мол. Арғы заманда белгілі би-шешен, айтулы ақындар мен батырлар туған өңірден бертінде берісі алашқа, әрісі адамзатқа аян ғұлама ғалымдар шоғыры өсіп шықты. Бір сөзбен айтқанда, Баянауыл - қай қырымен де ерекше, топырағы асыл, талай талант тудырған құнарлы өлке. Қолдарыныздағы еңбекте, міне, киелі мекеннің осынау барша ерекшеліктері, ел мен жердің бай шежіресі нақты деректер арқылы жүйелі баяндалады.
Өлкетану тақырыбындағы тарихи-танымдық еңбек туған өлкенің өткенін танып-білуге құштар қауымға арналған.