Граф Монте-Кристо (комплект)

Француз жазушысы Александр Дюманың «Граф Монте-Кристо» романында буржуазиялық қоғамның билеп-төстеушілерінің жексұрын әдет-ғұрыптары тартымды сюжет арқылы әсерлі сипатталады. Оқиға желісі XIX ғасырдың басында Францияда өтеді. Басты кейіпкер — өкімет билігіне таластың тауқыметін тартып, жазықсыз жапа шеккен кедей жігіт Эдмон Дантес. Ол төңірегіндегі күншіл, арам ниетті жандардың жаласымен он төрт жыл жарық күнді көрмей Иф қамалында түрмеде отырады. Сүйген қызы жала жабушылардың біріне тұрмысқа шығып кетсе, ал әкесі аштан өледі. Түрмеде Дантес Фариа есімді науқас аббатпен танысады. Өлер алдында аббат оған Монте-Кристо аралында жасырған қазынасын мұраға қалдырады. Қамалдан қашып шыққан Дантес қалған өмірін кек алуға арнайды.