Хэллоуиндегі сауық кеші

Әйгілі жазушы Агата Кристидің шытырман оқиғаға толы «Хэллоуиндегі сауық кеші» атты шығармасы көпшілікке жақсы таныс. Бұл романда атақты бельгиялық тыңшы Эркюль Пуаро мен танымал жазушы Ариадна Оливердің жолы тағы түйіседі. Олар сауық кешінде кісі өлтіру қылмысына куә болғанын айтып, елді дүр сілкіндірген он үш жастағы қыздың өлімінің себеп-салдарын тергеп-тексеру ісіне белсене кіріседі. Өзінің ескі танысы Оливер ханымның осы қылмыстың себебін анықтау жөніндегі өтінішін жерге тастамаған Эркюль Пуаро қылмыскердің нағыз бетпердесін сыпырып, жұрт алдында әшкерелеу міндетін мүлтіксіз атқарады. Шиеленіскен шым-шытырық оқиғаға құрылған шығарма оқырманды құпияның сырын білуге жетелеп отырады.
Детектив жанрының шебері атанған Агата Кристидің осы танымал туындысы енді қазақ тілінде жарық көріп отыр. Кітап көпшілік қауымға арналған.