Сәулеттік жолсілтемеде Қазақстандағы шығыс пен батыс мәдениетінің өзара тоғысуынан туындаған ескерткіштер мен кеңестік кезеңде салынған нысандардың құрылысына сипаттама беріледі. Сонымен бірге еуразиялық сәулет пен қалалардың дизайнына сын тұрғысынан тұжырым жасалады.
Кітапта ең алдымен Тәуелсіз Қазақстанның сәулет өнері назарға ұсынылады. Орта Азияның шетсіз-шексіз жазығында пайда болған жаңа елорда — Астана ерекше сәулеттік орынға айналды. Осынау қарқынды дамып жатқан қалада бірегей ғимараттардың жобаларын жасауға жергілікті сәулетшілер ғана емес, әлемге әйгілі сәулетшілер де атсалысты.
Неміс-қазақ авторлар ұжымы Астана мен Алматыдағы жүздеген жоба мен ғимараттарды, сонымен бірге Қазақстанның басқа қалаларындағы заманауи сәулет өнері үлгілерін де сәулеттік әрі мәдени-тарихи көзқарас тұрғысынан жүйелеп ұсынған.
