Еңбекте белгілі қаламгер Қалаубек Тұрсынқұлов әр қойнауы, әр тасы аңызға толы Қазығұрт өңірінің арғы-бергі тарихын туған жерге деген ерекше сүйіспеншілікпен зерделей жазған. Қазақ жұртынан бастап, әлемнің біраз жеріне тараған Нұқ пайғамбардың кемесі туралы аңыздың мәлім де беймәлім сырлары тайға таңба басқандай айқын баяндалған. Сонау ықылым заманда осы өлкені жанкештілікпен талмай кезген қытай жиһанкездерінің, сондай-ақ кейінгі саяхатшылардың көне жазбаларындағы деректер, әсіресе нанымдылығымен құнды. Түрік қағанатының билеушісі Истеми, Шынғыс хан мен Ақсақ Темір, Александр Македонский мен Тұмар ханым, Абылай мен Төле би, басқа да айтулы тарихи тұлғалар Қазығурт бойындағы оқиғалармен ұштастырыла әсем суреттелген.
Еңбек өлкетанушылар мен ғылыми ортаға, туған жерді қастерлейтін жалпы оқырман қауымға арналған.
