Танымал ағылшын жазушысы Агата Кристидің «Олар он еді» атты детектив жанрында жазылған бұл романы 100 миллионнан астам таралыммен шығып, өзге шығармаларына қарағанда ең көп сатылған кітап болды.
Оқиға желісі Сарбаз аралында өрбиді. Бір-біріне мүлдем бейтаныс он адам арнайы шақыртумен аралға келеді. Бірақ ешқайсысы да нақты кімнің шақырғанынан бейхабар. Міне, бар жұмбақ осы жерден басталады. Аралдың қожайыны кім? Неге ол бұларды осында шақырды? Олардың қатарының күн санап бір адамға кемуі кездейсоқтық па, әлде әдейі ойластырылған қастандық па? Тұзаққа өз аяғымен келіп түскен құрбандарын жұмбақ жағдайда өлтіріп жүрген кім?
Ә дегеннен-ақ оқырманды қызықтырып, елітіп әкететін шығарманың сюжеті бір-бірімен шиеленісе түсіп, соңына дейін сырын ашпайды...
