Семсер жүзіндегі серт (комплект)

Жазушы Әділбек Ыбырайымұлының «Семсер жүзіндегі серт» романы үш кітаптан тұрады. Аталған трилогияның құрылымы мен мазмұны аса күрделі. Автордың ізденіске толы, тарихи деректерге қанық шығармасы тілінің көркемдігімен, әдеби шешімдерімен және шиеленіске толы оқиғаларымен құнды. Бұл туынды қазақ тарихының кемінде үш-төрт ғасырын қамтыған аласапыран оқиғаларды тұшымды да тартымды сипаттайды. Қазақ халқының хандық мемлекетінің туы көтерілгенге дейінгі және одан кейінгі кезеңдер қамтылады. Шығарма ұзақ уақытты, әр тарапты тарихты қамтыса да, жан-жаққа шашырамай, жинақы әдеби желіге мықтап байлануымен ұтымды.
Тарихи трилогияның көтерген жүгі ауыр, дегенмен де автор дәуір көрінісін шынайы бейнелеуге ұмтылып, мейлінше оқырман ұғымына сай жатық әрі кестелі тілмен өрнектеген. Бірінші кітапта суреттеліп отырған кезеңдегі қазақ елінің тұрмыс-тіршілігі мен сыртқы көрші-көлеммен қарым-қатынасы сөз болады.
Кітап көпшілік оқырманға арналған.