Алаштың анасы атанған Сыр елінің шежіреге бай өңірінің бірі - Шиелі ауданы. Қызылорда облысында, Сырдарияның орта ағысында, сырлы өзен мен қазыналы Қаратау арасындағы жазира шұрайда орналасқан Шиелі аймағын Сыр маржаны деп те айтады. Сыр елі - жыр елі деген де теңеу күллі Қазақстанға таралған қанатты сөз. Ықылым заманнан бүгінгі күнге дейінгі кезеңдердің қилы тарихы, елдің талайлы тағдыры терең де жанжақты жүйе-жүйемен баяндалатын бұл кітапты оқи отырып, ел мен жерге қатысты әлгі теңеулердің халық айтса, қалт айтпатын ақиқаттығына көзіңіз жете түседі.
Кітап - тұнған шежіре, тұңғиық тарих, киелі мекен Шиелінің тарихи-танымдық көркем шежіресі, тебіреністі толғау. Мұнда бұрын белгілі дейтін жәйттерге, тұлғалар тарихына қатысты тың деркетер, жаңаша пайымдаулар берілген. Кітапта аудан тарихы күллі Қазақстан тарихымен, тұлғалар тағдырымен етене табиғи байланыста баяндалады.
Кітап ел мен жер тарихы десе елең ететін ізденімпаз қалың көпшілік оқырманға арналған.
